من محل العيلة لشركتي
أنا عمر درش، من الحوامدية في الجيزة. دي الحكاية بالترتيب.
- 10 سنين
عندنا بيزنس عائلي في الأدوات الصحية. من وأنا عندي 10 سنين بقف في المحل وأبيع للزباين والصنايعية.
- أولى ثانوي
بعد كورونا كنت تايه. كل يومي أفلام وألعاب، وكل هدفي أضيّع وقتي.
- تانية ثانوي
سمعت أول حلقة بودكاست في حياتي، عن قصة شركة. من يومها وأنا بسمع وبقرا في البيزنس وتطوير الذات كل يوم. مكنتش بحب المذاكرة، بس حسيت إني جعان علم.
- تالتة ثانوي
كنت بعمل دراسات جدوى لمشاريع أكتر ما بذاكر: صالون حلاقة رجالي، سنتر تعليمي، براند ملابس.
- بعد الثانوية
بدأت أعمل محتوى بيزنس بإمكانيات بسيطة جدًا، وأول فيديوهاتي اتصورت بتليفون مستلف. وبعد أول فيديو جالي أول إعلان، من محل تليفونات في الحوامدية.
- 500 جنيه
شركة عرضت عليّا 500 جنيه للفيديو: سكريبت وتصوير ومونتاج وتعديلات. الرقم كان قليل، بس كنت عايز أتعلم كل حاجة وأفتح شركتي.
- 2024
فتحت UGCity لوحدي، وكوّنت فريق كامل.
- النهارده
عندي 21 سنة. بدير UGCity، ببني Reelzo، بدرس بيزنس في الكلية، وبجهّز كورس OWNDOM.
3 حاجات مؤمن بيها
البيزنس سهل. مش صعب ولا معقد، بس لما تفهم كويس وتتعلم الأول.
اشتغل لحد ما تجيب آخرك. ولما تجيلك الفرصة ترفّه عن نفسك، هات آخرها برضه.
خليك قادر تضحّي بأي حاجة بتضرك أو مبتعدّيش عليك بأي منفعة.
نصايح منتشرة وأنا شايفها غلط
"لازم تكون صبي عشان تبقى معلم."
أقدر أقعد مع المعلم اللي كان صبي، وأتعلم من أخطاءه، وأكسب الوقت والفلوس اللي راحوا منه فيها.
"اعمل Life Balance بين الشغل والعيلة والجيم."
أنا شايف إن فيه حاجة اسمها أولويات. في شبابك الشغل أولوية، ولما تكبر وتستقر العيلة تبقى الأولوية.
اللي واقف ضده
اللي بيبيع الوهم ويضيّع وقت الناس عشان Views. واللي بيصعّبها على الناس. واللي بيبيع الوهم عشان تشتري كورس.
شوف بتكلم عن إيه